Brodie Spencer í liði Norður-Íra fékk beint rautt spjald gegn Íslandi í vináttulandsleik í kvöld. Braut hann á Hákoni Arnari Haraldssyni og segir Skagamaðurinn dóminn hafa verið hárréttann.

Dómari leiksins mat það svo að Spencer hafi rænt Hákon upplögðu marktækifæri og gaf honum því rautt. Áhorfendur í stúkunni voru vægast sagt ósáttir og var baulað á Hákon það sem eftir lifði leiks.

„Hann hakkar mig hérna, ég er að drepast,“ sagði Hákon hins vegar um atvikið í samtali við Stöð 2 Sport eftir leik.

Um baulið hafði hann þetta að segja: „Ég er vanur því, en þegar þeir sjá þetta í sjónvarpinu sjá þeir að þetta var hárrétt.“