Thomas Frank er búinn að samþykkja það að taka við liði Tottenham fyrir næsta tímabil en þetta fullyrða margir enskir miðlar.

Frank hefur gert flotta hluti með Brentford undanfarin ár og hefur mikið verið orðaður við Tottenham undanfarna daga.

Ange Postecoglou stýrði Tottenham undanfarin tvö tímabil en var rekinn nýlega stuttu eftir að hafa unnið Evrópudeildina með félaginu.

Frank sem er 51 árs gamall er næstur inn en Tottenham þarf að borga Brentford allt að tíu milljónir punda fyrir þann danska.

Frank hefur verið hjá Brentford undanfarin sjö ár og er gríðarlega vinsæll á meðal stuðningsmanna félagsins.