Arnór Sigurðsson skoraði fyrir lið Norrköping í dag sem vann Degerfors 2-0 í sænsku úrvalsdeildinni.
Arnór spilaði allan leikinn í 2-0 sigri en hann gerði annað mark liðsins í blálokin í sigrinum.
Ari Freyr Skúlason byrjaði einnig fyrir Norrköping en fór af velli fyrir Andra Lucas Guðjohnsen í síðari hálfleik.
Bodo/Glimt valtaði yfir lið Odd í norsku deildinni þar sem Alfons Sampsted lék sitt hlurtverk að venju.
Alfons spilaði allan leikinn í hægri bakverði en Bodo/Glimt vann öruggan 7-0 heimasigur og er í þriðja sæti deildarinnar.
Kristall Máni Ingason kom inná sem varamaður í sínum fyrsta leik fyrir Rosenborg í 2-1 sigri á Ham-Kam. Kristall spilaði um 24 mínútur í sigrinum.
Í ensku C-deildinni kom Jón Daði Böðvarsson inná sem varamaður hjá Bolton sem vann 3-0 sigur á Wycombe. Jón Daði kom inná þegar 20 mínútur voru eftir.
Í ítalska bikarnum spiluðu einnig tveir íslenskir leikmenn en Hjörtur Hermannsson lék í slæmu tapi Pisa gegn Brescia. Pisa tapaði leiknum 4-1.
Mikael Egill Ellertsson og félagar í Spezia komust þá áfram en liðið vann Como sannfærandi 5-1 á sama tíma. Mikael spilaði síðustu 13 mínúturnar.
