Chelsea mun kaupa tvo miðverði í sumarglugganum en það er félagaskiptasérfræðingurinn Fabrizio Romano sem greinir frá.
Chelsea hefur verið orðað við marga leikmenn og þá sérstaklega Jules Kounde og Matthijs de Ligt.
Kounde er á förum frá Sevilla en Barcelona hefur einnig áhuga og er talið líklegt að hann endi á Spáni.
De Ligt er á mála hjá Juvntus á Ítalíu en Chelsea hefur boðið liðinu að fá Timo Werner í staðinn og myndi félagið einnig borga í kringum 45 milljónir evra.
Samkvæmt Romanio mun Chelsea kaupa tvo hafsenta í sumarglugganum og er þá einnig að íhuga að selja efnilegan leikmann í Levi Colwill.
Leicester, Crystal Palace, Brighton og Nottingham Forest hafa öll áhuga á Colwill sem er hafsent en virðist ekki vera í myndinni hjá Chelsea.
