Club Brugge í Belgíu hefur ákveðið að semja ekki við Andy Carroll vegna þess að hann er ekki í nógu góðu formi.

Carroll var að snúa til baka eftir brúðkaupsferð en hann er án félags.

Samningur Carroll við West Brom rann út í sumar en hann samdi við félagið til skamms tíma á síðustu leiktíð.

Belgarnir höfðu skoðað að semja við þennan 33 ára framherja en telja að líkamlegt ástand hans og meiðslasaga sé of mikil til að taka áhættuna.

Líklegt er að lið á Englandi bjóði Carroll samning en hann hefur spilað fyrir Newcastle, Liverpool, West Ham og fleiri lið á ferli sínum.