KR kvaddi um helgina Sigurvin Ólafsson. Hann hafði verið aðstoðarþjálfari karlaliðs félagsins, auk þess að stýra KV í Lengjudeildinni.
Það vakti athygli að í færslu KR þar sem félagið kvaddi Sigurvin stóð að hann hafi verið ráðgjafi meistaraflokks karla hjá félaginu. Fyrir rúmu ári síðan sagði hins vegar á heimasíðu KR að Sigurvin hafi verið ráðinn sem aðstoðarþjálfari.
Guðmundur Benediktsson fór yfir málið í Stúkunni á Stöð2 Sport og var ekki ánægður með sitt gamla félag. Sigurvin var ráðinn aðstoðarþjálfari FH og hætti hjá KR.
„Mér finnst þetta eiginlega bara skítt. Þú ert að kveðja þjálfara og reyna að gera minna úr störfum hans með því að breyta einhverjum titli þegar hann er að fara. Verið meiri menn en þetta, það er það eina sem ég bið um. Þetta er barnalegt og mér blöskraði þegar ég sá þetta,“ sagði Guðmundur í Stúkunni í fyrrakvöld Vísir.is birtir.
„Ég held að allir vita það sem vilja vita að Sigurvin Ólafsson var aðstoðarþjálfari hjá KR en einhvern vegin orðuðu KR-ingar það þannig að hann væri orðinn ráðgjafi innan þjálfarateymis meistaraflokks KR. Ég ætla að kalla þetta bullshit,“
