Úkraína og England áttust við í 8-liða úrslitum á Evrópumótinu í knattspyrnu um helgina. Þar sigraði England örugglega 0-4. Harry Kane kom Englendingum yfir snemma leiks eftir góðan bolta frá Raheem Sterling. Englendingar héldu áfram að stjórna leiknum í fyrri hálfleik án þess að ógna og þannig stóðu leikar í hálfleik.
Englendingar byrjuðu seinni hálfleik af krafti og skoraði Harry Maguire strax á fyrstu mínútu seinni hálfleiks. Harry Kane skoraði þriðja markið fjórum mínútum síðar og Jordan Henderson bætti við því fjórða á 63. mínútu en þetta var hans fyrsta landsliðsmark.
Luke Shaw átti tvær stoðsendingar í leiknum en hann hefur spilað frábærlega í síðustu leikjum Englands. Samherjar hans hafa gaman af því og lofsyngja hann.
„Roberto Shaw,“ sagði Declan Rice við Shaw í göngutúr og átti þar við að hann væri að feta í fótspor Roberto Carlos.
„Shawberto Carlos,“ sagði þá Harry Kane um málið og höfðu þeir félagar gaman.
The boys know.
😎 @LukeShaw23 pic.twitter.com/2hNsHkUqtF
— England (@England) July 4, 2021
