Paris Saint-Germain hefur gefið Neymar tvær vikur til að krota undir samninginn sem félagið hefur boðið honum. Forráðamenn PSG óttast enn að Neymar vilji fara til Barcelona.
Samningur Neymar við PSG er til 2022 en PSG hefur boðið þessum 29 ára leikmanni nýjan og betri samning.
Viðræður hafa átt sér stað yfir langt skeið en Neymar hefur sjálfur sagt að hann muni skrifa undir hann.
Forráðamenn PSG eru hins vegar ekki sannfærðir og hafa sett aukna pressu á Neymar að setja nafn sitt á blaðið til að tryggja sér starfskrafta hans.
Ef Neymar skrifar ekki undir þarf PSG að selja hann í sumar til að missa hann ekki frítt, Neymar er dýrasti leikmaður í sögu fótboltans en hann kostaði 222 milljónir evra.
