Abdoulaye Doucoure miðjumaður Everton er kominn á langan lista leikmanna hjá félaginu sem nú er á sjúkrabekknum. Meiðsli hafa herjað á miðsvæði félagsins.

Í ofan á lag hefur Gylfi Þór Sigurðsson ekkert spilað á þessari leiktíð. Everton tók ákvörðun um að senda Gylfa í leyfi á meðan rannsókn í máli hans fer fram. Gylfi hefur verið undir rannsókn lögreglu frá því um miðjan júlí. Eina sem vitað er í því máli að Gylfa er gefið að sök að hafa brotið kynferðislega barni en rannsókn málsins hefur tafist.

Í gær var greint frá því að Gylfi yrði laus gegn tryggingu fram á nýtt ár, því er ljóst að Everton mun ekkert nota hann fyrr en í fyrsta lagi á næsta ári.

Doucoure er á leið í aðgerð og verður lengi frá fyrir eru miðjumennirnir Andre Gomes og Fabian Delph frá vegna meiðsla. Misvæði Everton er því í molum.

Að auki eru tveir bestu sóknarmenn félagsins þeir Dominic Calvert-Lewin og Richarlison frá vegna meiðsla.