Nafn Tom King, markvarðar fjórðu deildar liðsins Newport County, er komið í Heimsmetabók Guiness. King skoraði eina mark Newport í 1-1 jafntefli gegn Cheltenham Town á dögunum. Það hefur nú verið staðfest að þetta er lengsta mark sem hefur verið skorað.

Guiness World Records, staðfestu að um heimsmet væri að ræða en King var 96,01 metra frá marki andstæðingana þegar hann skaut boltanum sem endaði í markinu.

„Ég er auðvitað himinlifandi af því að þetta var ekki eitthvað sem ég var að reyna. Ég er viss um að það verði talað um þetta mark lengi, ég er stoltur af þessu og fjölskylda mín eflaust líka,“ sagði heimsmethafinn Tom King.

Metið var áður í eigu markvarðarinns Asmir Begovic.

Guinness World Record ™️

Newport County goalkeeper Tom King’s 105-yard goal against Cheltenham has been confirmed as a @GWR for the longest goal scored in a competitive football matchpic.twitter.com/0WjiENqVvk

— Sky Sports News (@SkySportsNews) January 21, 2021