Þorsteinn Halldórsson þjálfari Íslands var ánægður með frammistöðu liðsins í 0-2 tapi gegn Hollandi í kvöld. Íslenska spilaði vel á köflum gegn fjórða besta liði í heimi
„Ég var ánægður með að við þorðum hlutum, þorðum að sækja og vorum ekki bara í vörn. Það eru hlutir sem við þurfum að laga og vinna með,“ sagði Þorsteinn á RÚV eftir leik.
Um var að ræða fyrsta keppnisleik liðsins undir stjórn Þorsteins en um var að ræða leik í undankeppni HM.
„Ég var sáttur við þær opnanir sem við vorum að fá, við gátum nýtt nokkra sénsa betur til að búa til færi. Mér fannst tækifæri til að búa til fleiri dauðafæri, sérstaklega í fyrri hálfleik. Við ætluðum okkur að þora að vera með boltann, þora að sækja. Ekki bara að bíða til baka.“
„Langskotið er bara frábært skot, við vorum komnar aftarlega í fyrra markinu og náðu að tengja sendingar saman.“