Lionel Messi grét á blaðamannafundi í dag er hann kvaddi uppeldisfélag sitt, Barcelona.
Argentínumaðurinn er líklegur til að fara til PSG á frjálsri sölu en kappinn sagði að ekki væri búið að ákveða neitt. Búist var við að hann myndi endurnýja samning sinn við Barcelona í sumar en félagið er í fjárhagskröggum og gat ekki samið við Messi.
„Ég og fjöldskyldan mín vorum sannfærð um að við myndum vera hérna áfram, heima,“ sagði hann á blaðamannafundi á sunnudaginn.
„Þetta eru endalokin hjá klúbbnum og nýr kafli tekur við. Já, þetta er ein erfiðasta stund sem ég hef upplifað. Mig langar ekki að yfirgefa félagið – ég elska þennan klúbb og bjóst ekki við þessu. Mig langaði að fara í fyrra, mig langar að vera áfram í ár. Þess vegna er ég dapur. Blóðið fraus í æðum mér. Ég var virkilega dapur. Þetta var mjög erfitt fram að þessu. Ég er enn að reyna að melta þetta.“
Mér mun enn líða illa þegar ég kem heim, þetta verður enn verra. Ég er ekki tilbúinn fyrir þetta“
Messi er í guðatölu í Barcelona og hefur verið hjá félaginu síðan hann var 13 ára gamall. Hann hefur leikið 520 deildarleiki fyrir félagið og skorað 474 mörk sem er met.
Myndbandið af Messi á blaðamannfundinum má sjá hér að neðan.
When Messi cries, we all cry.
Big hug. ❤️ u Leo. pic.twitter.com/wAHhzWrkP3— FC Barcelona (@FCBarcelona) August 8, 2021
