Miðvörður Brighton, Ben White, mun gangast undir læknisskoðun hjá Arsenal á miðvikudag. Sky Sports greinir frá.
Arsenal og Brighton náðu saman um kaupverð á leikmanninum í síðustu viku. Það er talið nema um 50 milljónum punda.
Hinn 23 ára gamli White lék lykilhlutverk í því að hjálpa Brighton við að halda sér í ensku úrvalsdeildinni á síðustu leiktíð.
Leiktíðina þar áður hjálpaði hann Leeds við að komast upp í ensku úrvalsdeildina. Hann var þar á láni frá Brighton.
White var hluti af landsliðshópi Englands á Evrópumótinu í sumar. Hann kom þó ekkert við sögu.