FH tók á móti Fylki í Pepsi-Max deild karla á sunnudaginn og þar vann FH sinn fyrsta sigur í deildinni síðan í maí. Það hefur verið rætt undanfarið að FH gæti fallið úr deildinni ef þeir færu ekki að rétta úr kútnum en Mikael Nikulásson telur að sú umræða sé algjört rugl. Þetta hafði Mæk að segja um málið í hlaðvarpsþættinum The Mike Show.
„Það er alltaf jafn fyndið að hlusta á einhverja menn út í bæ sem eru að tala um það að FH séu líklegir til þess að falla. Þetta er eitthvað mesta comedy sem ég hef heyrt,“ sagði Mikael Nikulásson í The Mike Show
„Ég hef heyrt þetta í Stúkunni að menn séu að segja að þeir séu bara líklegir til þess að falla, er þetta eitthvað grín? Þeir eru aldrei að fara að falla, það segir sig sjálft. Þeir mega svosem alveg hafa sínar skoðanir en ég ætla hafa mínar og ég get lofað ykkur því að þeir eru ekki að fara að falla.“
„FH er með allt of gott fótboltalið til þess að falla. Þeir hafa aldrei verið í fallsæti og munu aldrei vera í fallsæti. Tölum bara eðlilega um þetta, FH er aldrei að fara að falla.“
„Þeir hafa ekki verið góðir, en þeir geta enn gert eitthvað í Evrópu og í bikarnum og þeir geta farið ofar í deildinni. Þeir verða í topp 6,“ sagði Mikael Nikulásson að lokum í The Mike Show.