fbpx
Þriðjudagur 21.september 2021
433Sport

Óhugnanlegt atvik Kópavogi í gær og sjúkrabíllinn var lengi á leiðinni – Hjartastuðtækið var tekið upp

Hörður Snævar Jónsson
Mánudaginn 21. júní 2021 09:00

Ekki missa af Helstu tíðindum dagsins í pósthólfið þitt

Lesa nánar

Það vakti óhug margra þegar hjartastuðtækið var tekið upp í Kópavogi í gær þegar leikur Breiðabliks og FH fór fram í efstu deild karla í knattspyrnu. Jason Daði Svanþórsson leikmaður Breiðabliks lagðist þá í jörðina og var hringt á sjúkrabíl. Jason Daði er í góðu lagi í dag og ætti þessi öflugi knattspyrnumaður að komast á völlinn innan tíðar. Breiðablik vann 4-0 sigur þar sem Jason Daði skoraði eitt mark.

Eftir um hálftíma leik var Jason Daði að skokka til baka þar til hann stoppaði og leit út fyrir að vera að hann væri að missa andann eða með einhvers konar verk í brjóstkassanum. Hann lagðist þá niður og inn hlupu vallarstarfsmenn með börur.

Stuttu seinna var óskað eftir lækni úr stúkunni. Hann fékk einhvers konar aðhlynningu á vellinum áður en sjúkrabíll kom á svæðið. „Það er betur farið varlega í svona málum en eitthvað óðagot. Þegar maður sá liðstjórinn hélt á hjartastuðtæki þá fékk maður alveg svona,“ sagði Kristján Óli Sigurðsson í hlaðvarpsþættinum Dr. Football í gær en margir fengu endurminningu af atvikinu þegar Christian Eriksen fór í hjartastopp á Evrópumótinu í fótbolta fyrir rúmri viku. Starfsmenn á Kópavogsvelli komu með hjartastuðtækið inn á völlinn og vakti það upp vondar minningar hjá mörgum.

Arnar Sveinn Geirsson var einnig í þættinum, hann segir að sjúkrabíllinn hafi verið lengi á leiðinni. „Við verðum að óska eftir því í úrvalsdeild, að það taki ekki 40 mínútur að fá sjúkrabíl á völlinn, þetta gengur ekki,“ sagði Arnar.

Kristján Óli segir að félögin og KSÍ verði að breyta reglum hjá sér, það verði að vera krafa að sjúkrabíll sé alltaf staddur á vellinum í leikjum í efstu deild.

„Í efstu deild er alltaf sjúkrabíll á Akranesi, það er stjórnarfundur í KSÍ í vikunni. Það er krafa, sama hvort félagið eða sambandið borgi það. Eitt atvik þar sem sjúkrabíllinn kemur of seint er einu atviki of mikið.“

Arnar Sveinn segir peningana í þessu máli engu máli skipta, hann gerir einnig þá kröfu að læknir verði á svæðinu.

„Það skiptir engu máli hvort það kosti einhverja tíu þúsund kalla, þetta er krafa sem við verðum að gera eftir það sem við sáum gerast á Parken. Að það sé sjúkrabíll, að það sé líka alltaf læknir á vellinum. Félögin skipti kostnaðnum á milli sín, það á ekki að þurfa að kalla í stúkuna hvort það sé læknir á svæðinu,“ sagði Arnar Sveinn.

Uppfært:
Ábending hefur borist þess efnis að sjúkrabíllinn hafi verið tæpar 12 mínútur á leiðinni á Kópavogsvöll.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 8 klukkutímum

Vilhjálmur dómari mætti í viðtal: Netverjar hjóla í hann – „Að ljúga að sjálfum sér er sjálfs manns bani“

Vilhjálmur dómari mætti í viðtal: Netverjar hjóla í hann – „Að ljúga að sjálfum sér er sjálfs manns bani“
433Sport
Fyrir 9 klukkutímum

Líklegt byrjunarlið Íslands í kvöld – Fyrsti keppnisleikur Þorsteins

Líklegt byrjunarlið Íslands í kvöld – Fyrsti keppnisleikur Þorsteins
433Sport
Fyrir 22 klukkutímum

Spænski boltinn: Araujo bjargaði stigi fyrir Barcelona

Spænski boltinn: Araujo bjargaði stigi fyrir Barcelona
433Sport
Fyrir 22 klukkutímum

Spekingar spekúlera: Áttu tveir lykilmenn Víkings að fá rautt spjald í gær?

Spekingar spekúlera: Áttu tveir lykilmenn Víkings að fá rautt spjald í gær?
433Sport
Í gær

Tölfræði – Ótrúleg tilviljun í úrslitum Chelsea og Liverpool á þessu tímabili

Tölfræði – Ótrúleg tilviljun í úrslitum Chelsea og Liverpool á þessu tímabili
433Sport
Í gær

Aftakaveður þegar stelpurnar hefja leik í undankeppni HM

Aftakaveður þegar stelpurnar hefja leik í undankeppni HM