Tveir leikir fóru fram á Evrópumótinu í knattspyrnu í dag. Ítalía mætti Wales og Sviss spilaði gegn Tyrklandi. Eftir þennan leik er ljóst að Ítalía og Wales fara beint áfram í 16-liða úrslit. Sviss er í þriðja sæti riðilsins og eru einnig líklegir til að komast áfram en fjögur stigahæstu liðin í þriðja sæti fara einnig áfram.
Ítalir gerðu átta breytingar frá síðasta leik á EM. Það kom ekki að sök er liðið vann 1-0 sigur gegn Wales. Pessina skoraði eina mark leiksins.
Ítalía 1 – 0 Wales
1-0 Pessina (´39)
Ampadu rautt spjald (´55)
Sviss átti flottan leik gegn slöku liði Tyrkja í dag. Seferovic kom Sviss yfir snemma leiks og Shaqiri tvöfaldaði forystuna á 26. mínútu. Kahveci minnkaði muninn á 62. mínútu. Við það efldust Svisslendingar og Shaqiri skoraði þriðja markið á 68. mínútu. Þar við sat og 3-1 sigur staðreynd.
Sviss 3 – 1 Tyrkland
1-0 Seferovic (´6)
2-0 Shaqiri (´26)
2-1 Kahveci (´62)
3-1 Shaqiri (´68)
Ítalir eru á toppi riðilsins með 9 stig. Wales er í öðru sæti með 4 stig og Sviss í þriðja sæti, einnig með 4 stig en lakari markatölu. Tyrkland er í botnsætinu án stiga.
