Ian Wright, Arsenal-goðsögn og nú knattspyrnusérfræðingur, hafði engan húmor fyrir því þegar einn Twitter notandi kvartaði undan kvenkyns sérfræðingum í kringum Evrópumótið.
Emma Hayes, stjóri kvennaliðs Chelsea, var á setti að fjalla um leik Englands og Króatíu í dag.
Danny nokkur á Twitter spurði sig af hverju væri verið að ,,neyða“ ensku þjóðina til að hlusta á kvenkyns sérfræðinga þegar svo margir flottir karlkyns sérfræðingar eru á lausu.
Wright var ekki lengi að svara og sagði Hayes vera þá bestu sem var á setti í dag.
Danny eyddi tísti sínu í kjölfar svarsins frá Wright. Hér fyrir neðan má þó sjá skjáskot af því, sem og svarinu frá Arsenal-goðsögninni.