
Fylkir tók á móti Stjörnunni í lokaleik 6. umferðar í Pepsi-Max deild kvenna. Leiknum lauk með 1-2 sigri Stjörnunnar.
Fylkir komst yfir þegar stundarfjórðungur var liðinn af leiknum með marki frá Huldu Hrund. Stjarnan jafnaði þvert gegn gangi leiksins á 38. mínútu. Þannig stóðu leikar í háfleik.
Stjörnustelpur voru betri aðilinn í seinni hálfleik. Betsy kom gestunum yfir snemma í seinni eftir stoðsendingu frá Gyðu. Þar við sat og Stjarnan tryggði sér því þrjú mikilvæg stig.
Með sigrinum fer Stjarnan í 6. sæti deildarinnar með 7 stig en Fylkir er í botnsætinu með 2 stig.
Fylkir 1 – 2 Stjarnan
1-0 Hulda Hrund Arnarsdóttir (´15)
1-1 Katrín Ásbjörnsdóttir (´38)
1-2 Betsy Doon Hassett (´54)