Arnar Þór Viðarsson fyrrum þjálfari U21 árs landsliðs karla og yfirmaður knattspyrnumála hjá KSÍ hefur staðfest að Davíð Snorri Jónassson sé að taka við U21 árs landsliði karla.
Arnar lét af störfum sem þjálfari U21 árs landsliðsins í desember til að taka við A-landsliði karla.
„Ég er alveg pottþéttur á því, það er ætlunin að ráða Davíð Snorra inn. Það er verið að reyna að klára því, ég er klár í að hann geri þetta frábærlega,“ sagði Arnar í Dr. Football í dag en liðið er á leið í lokamót U21 árs landsliðsins.
Davíð Snorri hefur verið þjálfari U17 ára landsliðs karla síðustu ár en áður var hann þjálfari Leiknis og aðstoðarþjálfari Stjörnunnar.
Ólafur Ingi Skúlason mun taka við U19 ára liði karla og U15 ára liði kvenna en KSÍ þarf svo að finna þjálfara í U17 ára lið karla fyrir Davíð Snorra.