Benjamin Mendy bakvörður Manchester City á í stökustu vandræðum með að fara eftir þeim reglum sem gilda í Bretlandi vegna COVID-19 veirunnar. Hann bauð í partý á nýársdag en í október hafði hann einnig boðið í gleðskap, þvert á þær reglur sem eru í gildi.
Ensk blöð hafa svo komist að því að Mendy braut einnig þær sóttvarnarreglur sem í gildi voru í sumar. Þá bauð hann Claudia Marino að koma heim til sín, hann flaug Marino frá Grikklandi til Englands. Þvert á allar reglur í Bretlandi.
Við komuna til Englands hefði Marino átt að fara í einangrun vegna COVID-19, Mendy ráðlagði henni að brjóta reglurnar og vera bara heima hjá sér.
Marino ræðir nú málin við ensk blöð. „Þú verður bara í mínu húsi, þeir skoða það ekki,“ stendur í skilaboðum frá Mendy þegar Marino sendi honum regluverkið sem var í gangi, Mendy taldi sig og sína ekki þurfa að hlusta á slíkar reglur.
Claudia Marino segir að hún hafi verið klár í fjörið og að þau hafi stundað kynlíf saman. „Ég veit alveg hvernig knattspyrnumenn eru en ég taldi þetta vera góða skemmtun. Hann var einhleypur og ég var því ekki að meiða neinn,“ segir Marino við enska blöð.
„Við fengum okkur drykki og höfðum gaman, einn daginn fórum við til Leeds þar sem hann hitti tannlækni.“
Claudia stoppaði í fjóra daga á heimili Mendy en franski bakvörðurinn hefur mikið verið í fréttum fyrir sóttvarnarbrot sín.