Hannes Þór Halldórsson heillaði ekki Gunnar Örn Jónsson þegar þeir hófu að spila saman í KR. Hannes gekk í raðir KR árið 2011 frá Fram, saga Hannes frá þeim tíma hefur verið ótrúleg.
Hann hefur staðið vaktina í marki íslenska landsliðsins síðustu ár og átti öflugan feril sem atvinnumaður. Saga Hannesar er merkileg en hann lék á Íslandi til 29 ára aldurs.
,,Gæinn kom bara í KR, ég hugsaði hvað þessi gæi væri að gera þarna. Hann var í engu standi, kom úr Fram. Ég var ekki sannfærður,“ sagði Gunnar Örn í Draumaliðinu hjá Jóhanni Skúla í dag.
Hannes er ólíkur öðrum landsliðsmönnum sem flestir fara ungir út og vöktu athygli snemma, 21 árs var Hannes í Aftureldingu sem dæmi.
,,Ég man eftir honum úr Verzló, þar tók hann upp myndbönd og ég pældi ekkert meira í því. Þetta er mesta æskubuskuævintýri sem ég veit um. Þetta er ótrúlegur gæi.“
Gunnar tók eftir því hvernig Hannes fór að breytast og bæta sig sem leikmaður í KR.
,,Um leið og hann fékk sjálfstraust og byrjaði að móta líkamann, æfa eins atvinnumenn. Við vorum nánast þannig, hann gjörbreytist á þessum árum. Óbilandi trú á að ná langt, skilaði sér.“