Tryggvi Hrafn Haraldsson framherjinn frá Akranesi hefur skrifað undir samning við Lilleström út þessa leiktíð. Þessi 24 ára framherji kemur til félagsins frá ÍA.

Tryggvi hefur raðað inn mörkum fyrir ÍA en fyrir hjá Lilleström eru Skagamennirnir Arnór Smárason og Björn Bergmann Sigurðarson.

,,Ég er spenntur fyrir því að byrja og vonandi hjálpa ég félaginu að komast upp,“ sagði Tryggvi Hrafn en Lilleström leikur í næst efstu deild.

Tryggvi mætti til Osló í gær en þarf að fara í sóttkví fram á föstudag vegna kórónuveirunnar.

Samningur Tryggva er bara út þetta ár en ákvæði eru í samningi hans um að framlengja hann ef báðir aðilar vilja. Skagamenn seldu Stefán Teit Þórðarson til Silekborg í gær og nú fer Tryggvi en samningur hans við ÍA var að renna út eftir nokkra daga.