Alfreð Finnbogason, framherji Augsburg og íslenska landsliðsins nálgast endurkomu. Hann er byrjaður að æfa úti á grasi með liðinu.

Alfreð meiddist illa á öxl með íslenska landsliðinu í nóvember, meiðsli hafa hrjáð kappann síðustu ár.

Sóknarmaðurinn gæti snúið til baka þegar þýska deildin fer af stað síðar í janúar en hann er afar mikilvægur hlekkur, í liði Augsburg.

,,Skref fyrir skref nálgast þetta,“ skrifar Alfreð á Twitter, þar er hann mættur út á völl og virkar léttur, ljúfur og kátur.

Alfreð gerði nýjan samning við Augsburg á síðustu leiktíð og er sagður launahæsti leikmaður félagsins.

Step by step getting closer 💪🙏😁 https://t.co/hE4zB5j2G1

— Alfreð Finnbogason (@A_Finnbogason) January 8, 2020