Liverpool hefur ekki neinn áhuga á Kalidou Koulibaly varnarmanni Napoli. Félagið gæti þó leitað að miðverði fari Dejan Lovren frá félaginu.
Koulibaly hefur verið orðaður við Liverpool en verðmiðinn á honum hefur orðið til þess að félagið hefur ekki áhuga.
Sky Sports fjallar um málið og segir að Liverpool muni aldrei borga 60 milljónir punda eða meira fyrir leikmann sem er 29 ára eða eldri.
Koulibaly er eftirsóttur en Napoli ætlar að selja hann í sumar og vill félagið fá um 90 milljónir punda. PSG er sagt hafa áhuga en Manchester City og United eru einnig nefnd til sögunnar.
Liverpool hefur Virgil van Dijk, Joel Matip, Joe Gomez og Lovren í sínum röðum.
