Wilfried Zaha gekk í raðir Manchester United árið 2013 frá Crystal Palace og margir áttu von á miklu. Sir Alex Ferguson gerði það að sínum síðustu viðskiptum sem stjóri félagsins að kaupa Zaha.

Ferguson ákvað svo að hætta og þegar Zaha kom til United var David Moyes stjóri félagsins. Hann fékk fá tækifæri og sögusagnir um að hann hefði sofið hjá dóttur Moyes flugu út um allt. „Enginn hjá félaginu ræddi þetta við mig, ég vissi ekkert hvernig ég átti að tækla þetta,“ sagði Zaha sem er í dag einn besti leikmaður ensku úrvalsdeildarinnar.

„Ég man eftir því að hafa sett Twitter færslu um að þetta væru bjánalegar sögusagnir. Þetta var orðið of mikið, ég varð að segja eitthvað. Starfsfólk félagsins fór að segja mér að þetta hafi verið rangt, þau hjálpuðu mér ekkert.“

Zaha leið illa að heyra allar þessar sögur. „Ég stóð einn í þessu og leið ekki vel, fólk var að segja að ég hefði sofið hjá dóttur stjórans. Sökum þess átti ég að vera á bekknum“

„Þetta hélt svo lengi áfram, ég bjóst alltaf við því að Moyes myndi ræða málið við mig. Ég fæ enn fólk í dag sem spyr mig að þessu, ég hitti dóttur hans aldrei.“