Framherjinn Luka Jovic er búinn að skrifa undir samning við lið Real Madrid á Spáni.
Það er Sky Sports sem fullyrðir þessar fregnir í dag en Jovic kostar spænska félagið 52 milljónir punda.
Jovic er 21 árs gamall sóknarmaðður en hann spilaði með Frankfurt í Þýskalandi á láni frá 2017 til 2019.
Leikmaðurinn var í láni hjá félaginu frá Benfica og var svo keyptur endanlega þangað í janúar.
Frankfurt nýtti sér kauprétt á Jovic en hefur samþykkt að selja hann til Real fyrir mikinn gróða.
Jovic var heitur fyrir framan markið á tímabilinu en hann skoraði 25 mörk í 43 leikjum.
Frankfurt borgaði aðeins sex milljónir punda fyrir Jovic og selur hann fyrir 52 milljónir.
