Arsenal skoðar það að kaupa kevin Volland, framherja Bayer Leverkusen í janúar. Sky Sports segir frá.
Þessi 27 ára gamli framherji hefur verið undir smásjá Arsenal síðustu mánuði, útsendarar félagsins hafa skoðað hann.
Sky segir að Volland sé eitt af þeim nöfnum sem Mikel Arteta fær að taka ákvörðun um.
Volland spilar mest sem framherji en getur einnig leyst stöðu vinstri kantmanns í 4-3-3 kerfinu.
Mikel Arteta fær einhverja fjármuni í janúar til að styrkja liðið sitt en hann stýrir fyrsta leik sínum á öðrum degi jóla.