Eins og margir vita þá hafa fáir ef einhverjir leikmenn átt betra tímabil en stórstjarnan Phil Foden sem spilar með Manchester City.

Foden var valinn leikmaður ársins af blaðamönnum fyrr í vikunni en hann hefur gert 27 mörk og lagt upp önnur 11 í vetur.

Gareth Southgate, landsliðsþjálfari Englands, sá Foden fyrst fyrir mörgum árum en í dag er hann lykilmaður enska landsliðsins.

Southgate segist hafa verið hrifinn af Foden um leið en aldur leikmannsins á þessum tíma kom verulega á óvart.

,,Þetta var í æfingabúðum U16 á St. George’s Park. Þegar leikmaðurinn er sérstakur þá er mikið talað,“ sagði Southgate.

,,Allir voru að segja við mig: ‘Hefurðu séð Phil!?’ Ég hef séð hann í dag og hann er í raun sami leikmaðug og hann var.“

,,Ég var mjög hrifinn af því hvernig hann hreyfði sig og hvernig hann sveif um völlinn. Seinna var mér sagt að hann væri 14 ára gamall!“