Unai Emery, stjóri Arsenal, segir að stuðningsmenn þurfi að sýna liðinu þolinmæði eftir erfitt gengi undanfarið.
Emery er sagður vera undir mikilli pressu en Arsenal tapaði 2-0 gegn Leicester City í dag.
,,Við þurfum tíma. Við breyttum um marga leikmenn og erum með unga leikmenn. Við erum metnaðarfullir í okkar markmiðum,“ sagði Emery.
,,Við þurfum tíma og við þurfum þolinmæði. Við höfum lent í mörgum kringumstæðum sem hjálpa okkur ekki að ná í bestu úrslitin.“
,,Með þolinmæði og stöðugleika gerum við vel. Við þurfum þolinmæði í leikjum. Það mikilvægasta er að vera rólegur og metnaðarfullur.“
