Andre Gomes, leikmaður Everton fór undir hnífinn í gær eftir að hafa brotnað á ökkla um helgina. Atvikið var óhugnalegt.

Son Heung-min, leikmaður Tottenham braut þá á Gomes sem féll áfram og á Serge Aurier, Við höggið brotnaði ökkli hans illa.

Son fékk að líta rauða spjaldið, sem var umdeildur dómur. Fyrst um sinn ætlaði Martin Atkinson að gefa honum gult spjald, þegar hann sá ökkla Gomes, breytti hann í rautt.

Gomes var útskrifaður af spítala í dag og hefst þá endurhæfing hans formlega hjá Everton. Talið er að ferlið taki marga mánuði.

Everton keypti Gomes frá Barcelona í sumar en áður var hann á láni hjá félaginu.