Jóhannes Harðarson hefur skrifað undir nýjan tveggja ára samning við norska félagið, Start. Hann tók við starfinu fyrir einu og hálfu ári.
Jóhannes hefur lengi dvalið í Noregi en kom heim til að taka við ÍBV árið 2014. Hann lét af störfum árið 2015 vegna persónulegra ástæðna.
Jóhannes hefur unnið flott starf hjá Start og félagið á fínan mögueika á að komast upp í efstu deild. Þegar þrjár umferðir eru eftir er liðið í þriðja sæti.
Start er þremur stigum frá öðru sætinu sem gefur beint sæti upp í efstu deild, annars fer Start í umspil um laust sæti.
Aron Sigurðarson er í herbúðum félagsins og hefur verið heitur á þessu tímabili, skorað 13 mörk. Þá er Guðmundur Andri Tryggvason í eigu félagsins en hann var á láni hjá Víkingi í sumar.