Stuðningsmanni Manchester United var vísað af Old Trafford á sunnudag þegar félagið tók á móti Liverpool, í ensku úrvalsdeildinni.
Ástæðan voru köll hans á hægri bakvörð Liverpool, Trent Alexander-Arnold. Maðurinn hafði kallað lengi á bakvörðinn en þegar hann fór að nota rasísk orð var honum skutlað út.
Maðurinn sat í Stetford End stúkunni en þar eru hörðustu stuðningsmenn Manchester United á leikjum. Stuðningsmenn United sem heyrðu köllinn léttu öryggisverði vita, sem skutluðu manninum út.
Lögreglan í Manchester skoðar málið ásamt félaginu en félagið segir það í forgangi að klára málið.
Leiknum lauk með 1-1 jafntefli en Adam Lallana bjargaði stigi fyrir Liverpool undir restina.