Manchester United er í umræðunni þessa stundina eftir pistil sem Mike Keegan birti fyrir the Daily Mail í gær.
Þar er skorað á enska félagið að bæta öryggið á Old Trafford eftir andlát John Wale sem var stuðningsmaður félagsins.
Wale lést eftir leik við Manchester City árið 2017 en hann datt þá niður einn innganginn í Sir Alex Ferguson stúkunni.
Wale yfirgaf völlinn þegar 10 mínútur voru eftir en öryggisverðir voru lítið að fylgjast með og horfðu frekar á viðureignina.
Þeir höfðu lokað inngangnum þar sem Wale reyndi að komast út og þurfti hann að finna aðra leið.
Wale teygði sig í handriðið við einn innganginn sem varð til þess að féll niður og lést stuttu síðar á spítala.
Skorað er á United að taka á þessum málum og að eitthvað þurfi að gera til að tryggja frekara öryggi stuðningsmanna.
Öryggisverðir þurfa að fylgjast betur með því sem er í gangi í kringum sig og hjálpa þeim sem þurfa á aðstoð að halda.
Wale hafði fylgst með United allt sitt líf en hann var 80 ára gamall er hann lést.