Emil Hallfreðsson er mættur í verkefni íslenska landsliðsins fyrir leikina gegn Frakklandi og Andorra, í undankeppni EM. Emil er í þeirri furðulegu stöðu að vera án félags, annað verkefnið í röð.
Talsvert af tilboðum hafa komið á borð Emils en hann hefur ákveðnar hugmyndir fyrir sig og sína fjölskyldu.
,,Ég skil það mjög vel að ég spurður, eðlilegt að það sé spurt út í þetta. Ég væri til í að vera búinn að leysa þessa stöðu, það rétta hefur ekki komið upp. Ég er að bíða eftir því að rétta komi á borðið,“ sagði Emil þegar við ræddum við hann í dag.
,,Ég trúi því að lausn sé að koma sem henti mér og minni fjölskyldu, það er ekkert pottþétt fyrr en maður skrifar undir.“
Samkvæmt heimildum 433.is hefur Emil fengið tilboð frá Indlandi og fleiri löndum en hugur hans leitar helst til Ítalíu, þar hefur hann dvalið lengi.
,,Ég hef fengið tilboð frá hinum og þessum skemmtilegu löndum, ég hef ekki verið til í að taka því hingað til. Ég hef beðið eftir skemmtilegri löndum fyrir mig og mína fjölskyldu. Með tímanum fer maður að opna fyrir öðrum heimsálfur, þetta er kannski eitthvað sem ég þarf að skoða.“
Viðtalið við Emil er í heild hér að neðan.
Ísland Frakkland: Emil Hallfreðsson – 08.10.19 from DV Sjónvarp on Vimeo.