Celtic í Skotlandi vill fá Scott McTominay á láni frá Manchester United út þessa leiktíð.

Ole Gunnar Solskjær, stjóri United er hrifinn af þeirri hugmynd en McTominay er 22 ára gamall.

Jose Mourinho hafði mikið álit á McTominay en Solskjær er ekki viss um að hann sé nógu góður.

Celtic vill fá McTominay út þessa leiktíð til að hjálpa liðinu að verða skoskur meistari.

United mun hins vegar ekki leyfa McTominay að fara ef það tekst að losa Marouane Fellaini.

Fellaini er á sölulista en erfiðlega gæti gengið að losa hann, Fellaini er á góðum launum og ekki mörg félög sem eru klár í að greiða þau.