Leikmenn Barcelona eru komnir með nóg af stjóra sínum Ernesto Valverde samkvæmt spænskum miðlum.
Barcelona hefur byrjað tímabilið illa og er aðeins með sjö stig eftir fyrstu fimm leikina.
Börsungar töpuðu 2-0 gegn Granada á útivelli í gær en það eru úrslit sem eru ekki ásættanleg.
Aðeins einn leikmaður Barcelona, Frenkie de Jong, bað stuðningsmenn afsökunar á spilamennsku liðsins, aðrir fóru í klefann.
Valverde virðist vera búinn að missa búningsklefann og gæti stjórn félagsins breytt til.
Barcelona vann þó spænska titilinn á síðustu leiktíð en var ekki sannfærandi í Meistaradeildinni.
