Gary Martin hefur framlengt samning sinn við ÍBV. Þetta var staðfest á fréttamannafundi í dag.
Halldór Páll Geirsson, gerði það sömuleiðis. Halldór gerir þriggja ára samning og mun þjálfa yngstu iðkendur.
Gary gekk í raðir ÍBV í sumar en liðið féll úr Pepsi Max-deildinni í gær, hann gerir eins árs samning sem framlengist ef ÍBV fer upp.
,,Það er vilji allra að við séum með gott lið, við ætlum okkur að fara upp um deild næsta sumar. Til þess þurfum við góða leikmenn. Við erum búnir að ná samkomulagi við tvo nú þegar, sem við ætlum stórt hlutverk,“ sagði Daníel Geir Moritz í knattspyrnuráði ÍBV.
Gary hefur raðað inn með ÍBV en sagt var að hann hafi beðið um að vera áfram, hann vildi hjálpa liðinu aftur upp.
