Gylfi Þór Sigurðsson fær ekki góða einkunn fyrir sína frammistöðu í ensku úrvalsdeildinni í kvöld.
Gylfi og félagar í Everton spiluðu við Aston Villa en heimamenn í Villa unnu 2-0 heimasigur.
Okkar maður byrjaði leikinn á miðjunni en var tekinn af velli eftir rúmlega klukkutíma.
Everton hefur oft spilað betur en í kvöld og var liðið í vandræðum með að skapa sér alvöru færi.
Gylfi fær fjóra af tíu fyrir frammistöðu sína í kvöld en hann var einn af átta sem fengu fjóra í einkunn hjá the Liverpool Echo.
Bestu menn Everton voru þeir Alex Iwobi og Moise Kean sem komu inná sem varamenn.
Enski boltinn á 433 er í boði 
