Það vakti athygli í landsleikjum Íslands gegn Albaníu og Tyrklandi að Birkir Már Sævarsson, komst ekki í leikmannahóp liðsins í bæði skiptin.
Birkir hefur átt stöðu hægri bakvarðar síðustu ár, hann hefur hins vegar hikstað eins og allir í Val í ár. Erik Hamren tók hann því úr liðinu fyrir þetta verkefni, Hjörtur Hermansson tók stöðuna.
Ekki er ólíklegt að Hjörtur fái fleiri tækifæri enda vann Ísland báða leikina en Birkir var bara í stúkunni.
Eiður Smári Guðjohnsen, var sérfræðingur hjá RÚV og talaði um Birki, þar sagði hann að Birkir hefði varla stigið feilspor með landsliðinu. Það gladdi mömmu Birkis.
,,“….varla stigið feilspor með landsliðinu“ sagði sjálfur Eiður Smári. Mömmunni finnst ekki leiðinlegt að heyra svona hrós hvað þá frá slíkum meistara,“ skrifaði Helga Birkisdóttir á Twtitter.
"….varla stigið feilspor með landsliðinu" sagði sjálfur Eiður Smári. Mömmunni finnst ekki leiðinlegt að heyra svona hrós hvað þá frá slíkum meistara ?
— Helga Birkisdóttir (@helgabirkis) June 11, 2019