Allir leikmenn íslenska landsliðsins vonast til að geta spilað á morgun er leikur gegn Tyrkjum í undankeppni EM fer fram.

Ísland vann Albaníu á laugardag en báðir leikirnir eru á Laugardalsvelli, ljóst er að leikurinn gegn Albaníu tók í .

Jóhann Berg Guðmundsson og Birkir Bjarnason virðast vera tæpir fyrir leikinn á morgun.

Báðir æfðu með sjúkraþjálfara í upphafi æfingar í dag en ekki með liðinu. Birkir fór í takkaskó en Jóhann var í hlaupaskóm.

Líklegt er að Erik Hamren geri breytingar á byrjunarliði sínu en það fer helst eftir ástandinu á Jóhanni og Birki.

433.is telur að Jón Daði Böðvarsson muni byrja í stað Viðars Arnars Kjartanssonar, sem byrjaði gegn Albaníu. Kolbeinn Sigþórsson er ekki klár í að byrja leik. Við teljum að Jóhann Berg muni ekki geta byrjað leikinn og Emil Hallfreðsson komi inn í liðið.

Líklegt byrjunarlið:
Hannes Þór Halldórsson

Hjörtur Hermansson
Ragnar Sigurðsson
Kári Árnason
Ari Freyr Skúlason

Emil Hallfreðsson
Aron Einar Gunnarsson

Birkir Bjarnason
Gylfi Þór Sigurðsson
Rúnar Már Sigurjónsson

Jón Daði Böðvarsson