Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu er lokaður í stærstu deildunum en slúðrið heldur áfram að rúlla.
Hér má sjá pakka dagsins.
Borussia Dortmund vill fá 100 milljónir punda fyrir Jadon Sancho sem er á óskalista Manchester United. (Mirror)
Ef Sancho verður seldur í sumar mun Dortmund reyna við Callum Hudson-Odoi, efnilegan leikmann Chelsea. (Mirror)
Manchester City er líklegast til að fá miðjumanninn Saul Niguez sem spilar með Atletico Madrid. (ESPN)
Barcelona hefur mikinn áhuga á að fá Antoine Griezmann í sínar raðir í sumar þrátt fyrir að Manchester United sé að sýna leikmanninum áhuga. (Mirror)
Lazio er nálægt því að semja við bakvörðinn Alberto Moreno sem spilar með Liverpool. (Independent)
Ole Gunnar Solskjær, stjóri Manchester United, vonast til að losna við þá Antonio Valencia, Alexis Sanchez og Marcos Rojo í sumar. (Star)
Chelsea gæti reynt að fá varnarmanninn Nathan Ake aftur til félagsins í sumar frá Bournemouth. (De Telegraaf)
Bayern Munchen hefur náð samkomulagi við Atletico Madrid um að fá varnarmanninn Lucas Hernandez í sumar. (Foot Mercato)
