Íslenska landsliðið keppti eins og flestir vita á HM í sumar en liðið tók þátt í fyrsta sinn í sögunni.

Ísland datt úr leik í riðlakeppninni eftir tap gegn bæði Króatíu og Nígeríu. Ísland gerði þó jafntefli við Argentínu í fyrsta leik.

Það ætti ekki að koma neinum á óvart að íslensku stuðningsmennirnir voru í dag valdir þeir bestu í Rússlandi.

Stuðningurinn í leikjum Íslands var oft magnaður og minnti á frábæra tíma í Frakklandi fyrir tveimur árum á EM.

Eurosport stóð fyrir kosningu á dögunum þar sem bestu stuðningsmenn mótsins voru valdir.

Ísland hafnaði í fyrsta sætinu fyrir ofan bæði Perú og Nígeríu sem komu þar á eftir.

England var svo í fjórða sæti listanns en ensku stuðningsmennirnir gáfu allt í sölurnar eftir góða frammistöðu. Liðið hafnaði í fjórða sæti.

Við óskum Íslendingum innilega til hamingju með þetta verðskuldaða val.