West Ham hefur fest kaup á Brasilíumanninum Felipe Anderson en hann kemur til félagsins frá Lazio.
Þessi 25 ára gamli leikmaður hefur staðið sig vel á Ítalíu og var orðaður við stærri lið á sínum tíma.
Anderson er dýrasti leikmaður í sögu West Ham en hann kostar félagið 36 milljónir punda.
Anderson er sjöundi leikmaðurinn sem West Ham fær í sumar en liðið ætlar sér stóra hluti á næstu leiktíð.
Leikmenn á borð við Jack Wilshere, Issa Diop og Andriy Yarmolenko höfðu skrifað undir fyrr í sumar.
