Michael Owen sem varð enskur meistari með Manchester United, kennir Jose Mourinho um það hversu slakur Paul Pogba hefur verið í ár.

Franski Heimsmeistarinn, hefur lítið sem ekkert getað á þessu tímabili, hann virkar áhugalaus og samband hans við stjórann er ekki gott.

,,Ég er á þeirri skoðun að hann sé heimsklassa leikmaður, í liði sem spilar fótbolta sem hentar honum,“ sagði Owen.

,,Ég verð pirraður að horfa á hann, því ég veit að hann er betri en það sem við sjáum. Ég stend með honum í raun, ég held að liðið og hugmyndir stjórans henti honum ekki, það næst ekki það besta fram úr honum.“

,,Mourinho verður að taka ábyrgð, hvernig hann spilar. Ég finn til með Pogba, það er eins og maður sé að horfa á 16 eða 17 ára dreng að læra leikinn. Hann hefði gott af því að horfa á myndbönd af Paul Scholes a spila leikinn.“

,,Hann tekur slæmar ákvarðanir, ef hann væri að spila undir stjórn Klopp eða Guardiola þá værum við að horfa á einn besta leikmann í heimi, þannig er að ekki í dag.“