Neil Warnock, stjóri Cardiff í ensku úrvalsdeildinni, vill bæta við sig framherja áður en glugginn lokar á fimmtudag.
Warnock er að skoða framherjann Alvaro Negredo þessa stundina og hefur mikinn áhuga á að fá leikmanninn til liðsins.
Negredo þekkir vel til Englands en hann lék með Manchester City 2013-2015 og svo Middlesbrough tímabilið 2016-2017.
Negredo er á mála hjá Besiktas í Tyrklandi í dag en hann skoraði sjö mörk í 31 deildarleik á síðasta tímabili.
Negredo er þá einnig spænskur landsliðsmaður en hann hefur gert 10 mörk í 21 landsleik.
