Lárperur, eða avókadó, eru vinsælar, sérstaklega hjá þeim sem borða lágkolvetna fæði og þurfa góða fitu í kroppinn.
Gallinn við lárperur er að þegar búið er að skera þær í tvennt verða þær fljótt brúnar og ljótar. Kona nokkur í hópi á Facebook er hins vegar með ráð við þessu, eins og sagt er frá á Daily Mail.
Konan deilid mynd af lárperu sem var búin að vera í ísskáp í nítján klukkutíma og varla hægt að greina brúna bletti á henni.
„Penslið lárperuna með bræddri kókosolíu til að loka henni. Litlu, brúnu blettirnir voru á lárperunni áður en ég lokaði henni,“ segir hún.
Einn Facebook-notandi sem skrifar athugasemd við færsluna gengur svo langt að segja að ráðið hafi breytt lífi sínu og fleiri taka í sama streng. Allavega þess virði að prófa.