Hver hefur ekki lent í því að halda teiti og sitja uppi með fullt af opnuðum snakkpokum? Svo er erfitt að loka pokunum almennilega þannig að næsta dag er allt snakkið orðið frekar glatað, hætt að vera stökkt og búið í raun að týna öllu sem gerir það ómótstæðilegt.

Þetta er mikið hjartans mál fyrir marga og því er hægt að finna aragrúa af umræðum um nákvæmlega þetta vandamál á Twitter og Reddit. Og þar sem fólk er mjög ástríðufullt um sitt snakk, er að sjálfsögðu búið að finna lausnin.

Til að halda snakki stökku og bragðgóðu á nefnilega að geyma það í frysti, og getur það geymst þar í marga mánuði í senn. Til að ná sem bestum árangri með þetta er best að setja snakk strax inn í frysti þegar lítur út fyrir að það verði ekki étið upp til agna. Þá þarf vissulega að loka pokanum vel, eða setja snakkið í sérstaka ziploc-poka. Ku þetta virka á alls kyns snakk – allt frá söltuðum flögum til kryddaðra tortilla-flaga.

Þið getið þakkað snakkunnendum á internetinu fyrir þetta húsráð.