Púðursykur verður sem steinn ef hann er ekki geymdur í góðum og þéttum umbúðum og er ofboðslega leiðinlegt að stefna rakleiðis í bakstur og komast að því að púðursykurinn er grjótharður. Hér eru fjórar leiðir til að mýkja hann upp svo hann endi ekki í ruslinu.
Melassinn í púðursykri tapar raka sínum þegar hann kemst í kynni við loft – það er að segja þegar púðursykurinn er ekki geymdur í lofttæmdum umbúðum. Hins vegar er þjóðráð að setja brauðsneið í umbúðir með sykrinum til að mýkja hann upp því sykurinn dregur í sig rakann frá brauðinu. Brauðið harðnar á meðan sykurinn mýkist.
Sykurpúðar gefa púðursykrinum einnig raka, líkt og brauð. Þannig að það er tilvalið að fórna nokkrum sykurpúðum í skiptum fyrir dúnmjúkan og dásamlegan púðursykur.
Ef þú átt hvorki brauð né sykurpúða virka epli á nákvæmlega sama hátt. Setjið nokkrar sneiðar í umbúðir ásamt harða púðursykrinum og innan dags eða tveggja verður sykurinn sem nýr.
Nú er búið að svara því hvernig hægt er að mýkja púðursykur en besta ráðið er auðvitað að geyma hann rétt frá byrjun. Hann er best geymdur í lofttæmdum umbúðum þannig að ekkert loft komist inn í umbúðirnar og steli öllum rakanum.
