Póstberi í umdæmi lögreglunnar á Suðurnesjum hefur lagt fram kæru eftir að hundur beit hann nýverið þegar hann var við störf sín.
Þetta kemur fram í orðsendingu frá lögreglunni á Suðurnesjum.
Þar segir að tveir hundar hafi verið lausir við hús þar sem póstberinn var að bera út. Stökk annar þeirra á hann og beit hann í kviðinn. „Maðurinn fékk sár eftir bitið og fór á Heilbrigðisstofnun Suðurnesja til aðhlynningar. Heilbrigðiseftirliti Suðurnesja hefur verið gert viðvart um málið.“
