fbpx
Fréttir

Níðingshjónin í Sandgerði segja guð vernda sig: „Annars kvíði ég ekki framtíðinni og legg allt í drottins hendur“

Hjálmar Friðriksson
Miðvikudaginn 10. október 2018 10:29

Hjónin frá Sandgerði sem sitja nú í gæsluvarðhaldi grunuðu um gróf kynferðisbrot gegn börnum sínum kynntust í Skóla Krists, Ljósafossskóla í Grímsnesinu. Þau tilheyrðu Samfélagi trúaðra, söfnuðinum sem stendur á bakvið sjónvarpsstöðina Omega. Þetta og meira kemur fram í viðtali við þau í Skessuhorni fyrir nokkrum árum.

Konan var nýlega úrskurðuð aftur í gæsluvarðhald og staðfesti Landsréttur úrskurðinn. Í honum kemur fram að parið sé ákært fyrir að hafa nauðgað dóttur konunnar, stjúpdóttur mannsins, og tekið allt upp á myndbönd og að hafa tekið ljósmyndir. Þau eru einnig ákærð fyrir að hafa gefið stúlkunni áfengi og fyrir framleiðslu barnakláms.

Í viðtalinu í Skessuhorni er manninum lýst sem verkamanni á Akranesi sem hafi verið atvinnulaus. Hann hafi alltaf verið mjög trúaður en eftir að hann missti vinnuna hafi hann farið í Skóla Krists, þar sem hann kynntist konunni, sem var úr Garðinum. „Þau giftu sig  skömmu síðar og saman hafa þau lifað í ástinni og trúnni,“ segir í Skessuhorni.

Karlinn sagðist ekki kvíða framtíðarinnar þrátt fyrir að vera enn atvinnulaus. „Það er gott að geta dreift huganum þegar maður er atvinnulaus. Annars kvíði ég ekki framtíðinni og legg allt í drottins hendur,“ sagði maðurinn og vitnaði í áttunda kafla Rómverjabréfs þar sem stendur:  „Við vitum að þeim sem Guð elska samverkar allt til góðs.“

Karlmaðurinn sagði að trúin hafi bjargað sér eftir atvinnuleysið. „Það er ekki spurning að það kom sér mjög vel fyrir mig að vera þetta trúaður þegar ég missti vinnuna. Ég býst við að það hafi hreinlega bjargað mér. Annars hefði verið  hætta á að þunglyndi og óáran hefði sótt á mig,“ sagði maðurinn.

Hann segist alltaf hafa verið leitandi í trúna. „Ég hef frá barnæsku verið trúaður, alltaf haft  barnstrúna til að byggja á. Ég var mikið leitandi í trúnni og hugleiddi það oft að taka niður dýfingarskírn, sem er í raun eina biblíulega skírnin. Ég lét verða að því þegar ég dvaldi í Noregi. Þá tók ég skírn ásamt frænda mínum og konu hans þegar þau gengu þar í söfnuð. Þetta gerðist á 20 ára fermingarafmæli mínu. Ég var samt ekki að ganga í neinn söfnuð, iðka bara mína trú í Samfélagi trúaðra, en söfnuður okkar stendur á bak við sjónvarpsstöðina Omega,“ er haft eftir manninum í Skessuhorni.

Hann sagðist líta á heiminn sem skuggamynd biblíunnar. „Þetta hefur runnið enn sterkar upp fyrir mér eftir að ég skírðist. Guð er í öllu og Guð er allsstaðar. Söguna og nútímann sér maður  alltaf í raun og veru í Biblíunni,“ sagði maðurinn. Að lokum sagðist maðurinn vongóður um framtíðina. „Allt mitt líf hef ég fundið fyrir návist Guðs. Mér finnst ég hefi notið verndar í lífinu og trúi því að svo verði á fram. Þess vegna kvíði ég ekki framtíðinni.“

Líkt og fyrr segir þá hefur maðurinn setið í gæsluvarðhaldi síðan í júlí en þá voru hjónin handtekin. Hjón, sem eru búsett í bænum eru grunuð um gróf kynferðisbrot gegn börnum sínum.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

80 prósent íslenskra fyrirtækja hafa orðið fyrir árásum tölvuþrjóta

80 prósent íslenskra fyrirtækja hafa orðið fyrir árásum tölvuþrjóta
Fréttir
Fyrir 20 klukkutímum

Flensan er komin til landsins

Flensan er komin til landsins
Fréttir
Fyrir 2 dögum

Þórarinn ætlar að gera hvað sem er til að koma í veg fyrir að IKEA-geitin verið brennd niður aftur: „Þetta er eins og í Tomma og Jenna“

Þórarinn ætlar að gera hvað sem er til að koma í veg fyrir að IKEA-geitin verið brennd niður aftur: „Þetta er eins og í Tomma og Jenna“
Fréttir
Fyrir 2 dögum

Efni keypt af verktökum með 10% álagi – „Það var samið um það“

Efni keypt af verktökum með 10% álagi – „Það var samið um það“